იტალიაში ავტოსაგზაო შემთხვევას ქართველი ქალი ემსხვერპლა

ინფორმაციას იტალიური მედია ავრცელებს.

40 წლის ქართველი ქალს, რომელიც გზაზე გადასვლას ცდილობდა, ავტომობილი დაეჯახა, იგი ადგილზევე გარდაიცვალა.

შემთხვევა გუშინ საღამოს, დაახლოებით 22:30 საათზე დაფიქსირდა. სასწრაფო დახმარების ეკიპაჟი ადგილზე მალევე მივიდა, თუმცა ექიმებმა მხოლოდ გარდაცვალება დაადასტურეს.

ავტომობილის მძღოლი შეჯახების შემდეგ ადგილზე დარჩა და თავადვე გამოიძახა დახმარება. შემოწმების შედეგად დადგინდა, რომ მას ალკოჰოლი ან ნარკოტიკული ნივთიერება მიღებული არ ჰქონდა.

საქმეზე დაწყებულია გამოძიება „საგზაო მკვლელობის“ მუხლით (omicidio stradale).

გარდაცვლილი ქალი საქართველოს მოქალაქე აღმოჩნდა. მისი სხეული ბარის პოლიკლინიკის იურიდიულ–მედიცინურ ინსტიტუტში გადაიყვანეს, სადაც დამატებითი ექსპერტიზა ჩატარდება.