ისტორია დაიწერა, საქართველოს წყალბურთელთა ნაკრები მსოფლიო თასის ფინალურ ეტაპზე ითამაშებს

საქართველოს წყალბურთის ნაკრები მსოფლიო თასზე ითამაშებს. ტურნირი 22-26 ივლისს ავსტრალიაში გაიმართება.

მსოფლიო თასის საგზური ჩვენმა გუნდმა მალტაში გამართულ საკვალიფიკაციო ეტაპზე ფინალში გასვლით მოიპოვა. ნახევარფინალში საქართველოს ნაკრების მეტოქე გერმანია იყო რომელიც 19:13 დაამარცხა.

ქართველებმა საწყისი ორი პერიოდი ერთნაირი ანგარიშით, 4:3 მოიგეს. მესამეში კი სრული უპირატესობა მოიპოვეს, გერმანელებს 5:1 აჯობეს და ბოლო რაუნდის წინ ექვსი ქულით დაწინაურდნენ – 13:7. ეს უკვე გამარჯვებას ნიშნავდა. დარჩენილ დროში მეტოქისთვის თამაშის შემოტრიალების უფლება არ მიუციათ.

ფინალი 13 აპრილს (21:30 საათზე) გაიმართება და საქართველოს ნაკრების მეტოქე მონტენეგრო იქნება.

მსოფლიო თასზე იასპარეზებენ: ავსტრალია, ხორვატია, საბერძნეთი, უნგრეთი, იტალია, მონტენეგრო, ესპანეთი, საქართველო.