ისრაელში 60 წელს გადაცილებულ მოქალაქეებს COVID19-ის ვაქცინის მეოთხე დოზას შესთავაზებენ. გადაწყვეტილება ქვეყანამ კორონავირუსის “ომიკრონის” შტამის გავრცელების პარალელურად მიიღო.
პრემიერმინისტრის თქმით, ეს ქვეყანას კორონავირუსის ახალი ტალღის დაძლევაში დაეხმარება. მან მოქალაქეებს მოუწოდა, ნუ დაკარგავენ დროს და სასწრაფოდ ჩაერთონ ვაქცინაციის პროცესში.
ისრაელში “ომიკრონის” შტამმა პირველი ადამიანის სიცოცხლე უკვე იმსხვერპლა. საავადმყოფომ პაციენტის გარდაცვალება სამშაბათს დაადასტურა და აღნიშნა, რომ პირს სხვა მძიმე თანმხლები დაავადებები ჰქონდა.
ცნობისთვის, “ომიკრონის” პირველი შემთხვევა საქართველოში 20 დეკემბერს დადასტურდა. ექსპერტების თქმით, ეს შტაბი ბევრად უფრო სწრაფად ვრცელდება, ვიდრე “დელტა”, თუმცა უფრო მსუბუქი მიმდინარეობა აქვს.
კომენტარები
Loading ...
