ისრაელში 60-ზე მეტი ასაკის ადამიანების ჰოსპიტალიზაციის 60%-ით შემცირება შეიმჩნევა მას შემდეგ, რაც სამი კვირის წინ კორონავირუსის ვაქცინის პირველი დოზა მოწყვლად ჯგუფებს გაუკეთეს. ამის შესახებ ებრაული მედია წერს.
როგორც ადგილობრივი ჯანდაცვის უწყება იტყობინება, საავადმყოფოებში ვაქცინაციის დაწყებიდან მე-18 დღეს პაციენტების განთავსების რაოდენობა მკვეთრად შემცირდა, ხოლო 23-ე დღეს, ანუ ვაქცინის მეორე დოზის გაკეთებიდან ორ დღეში, 60 წელზე მეტი ასაკის ადამიანების ჰოსპიტალიზაციის მაჩვენებელმა დაახლოებით 60%-ით დაიკლო.
ებრაული მედია წერს, რომ შესაძლოა ჰოსპიტალიზაციის მაჩვენებლების შემცირების მიზეზი ახალაცრილი ადამიანების მიერ ლოქდაუნის წესების გათვალისწინება იყოს.
შეგახსენებთ, ისრაელი COVID-19-ზე აცრილთა რაოდენობით მსოფლიო ლიდერია. 12 წელს ზევით მოზარდების კოვიდზე ვაქცინაციას და ეკონომიკის გახსნას ქვეყანა მარტის შუა რიცხვებიდან განიხილავს.
www.bm.ge
Loading ...