პარასკევს დილით ისრაელის არმიამ განაცხადა, რომ ირანში ათეულობით სამიზნეზე, მათ შორის ბირთვულ ობიექტებზე, იერიშები მიიტანა, რის ფარგლებშიც ისრაელმა ირანის სამხედრო მაღალჩინოსნები და მეცნიერები დახოცა.
ირანელი მაღალჩინოსნების მიხედვით, ისრაელმა თეირანის გარშემო, სულ მცირე, ექვს სამხედრო ბაზას დაარტყა. ასევე იერიში მიიტანა სამხედრო მეთაურებისთვის განკუთვნილი საცხოვრებელი კომპლექსის რამდენიმე შენობაზე.
ხოლო მოგვიანებით ირანის სამთავრობო მედიამ გაავრცელა ინფორმაცია, რომ ისრაელის იერიშების შედეგად ორი მოწინავე ბირთვული მეცნიერი, მოჰამედ მეჰდი და ფერეიდუნ აბასი, დაიღუპნენ.
ამასთანავე, იერიშის ფარგლებში ისრაელმა ირანის რევოლუციური გუშაგთა კორპუსის მეთაური, გენერალი ჰოსეინ სალამიც, მოკლა. ირანულ მედიაში ასევე წერდნენ, რომ იერიშის შედეგად დაიღუპა ირანის არმიის მეთაურიც, მოჰამედ ბაგერი.
თავის მხრივ, ისრაელელმა მაღალჩინოსნებმა განაცხადეს, რომ დარტყმა “პრევენციული”. ისრაელის არმიის განცხადებით, ირანის წინააღმდეგ მოქმედება “პასუხია ისრაელის წინააღმდეგ ირანული რეჟიმის მიმდინარე აგრესიაზე”. ისრაელმა ასევე დამატებითი იერიშების შესაძლებლობაზეც მიანიშნა და თავდასხმას “პირველი ეტაპი” უწოდა.
აშშ-ს სახელმწიფო მდივანმა მარკო რუბიომ განაცხადა, რომ აშშ “ირანის წინააღმდეგ დარტყმებში ჩართული არ იყო”. “ისრაელმა გვირჩია, რომ მათი აზრით, ეს ქმედება საჭირო იყო საკუთარი თავის დასაცავად”.
ამასთან, Fox News-თან საუბრისას აშშ-ს პრეზიდენტმა დონალდ ტრამპმა განაცხადა, რომ დარტყმების შესახებ მან წინასწარ იცოდა.
ტრამპის თქმით, ისრაელმა მას გეგმები წინასწარ აცნობა, თუმცა მან გარკვევით თქვა, რომ აშშ-ს არმია ოპერაციაში ომნაწილეობას არ მიიღებდა. აშშ-ს პრეზიდენტმა ასევე იმედი გამოთქვა, რომ ირანი თავისი ბირთვული პროგრამის შეზღუდვასთან დაკავშირებით აშშ-სთან მოლაპარაკებებს გააგრძელებს.
“ირანს ბირთვული ბომბი ვერ ექნება და მოლაპარაკებების მაგიდასთან მიბრუნების იმედი გვაქვს, ვნახოთ,” თქვა ტრამპმა Fox News-თან.
აშშ-ს პრეზიდენტმა ასევე დაამატა, რომ ისრაელის იერიშამდე ახლო აღმოსავლეთში ერთ მოკავშირესაც ელაპარაკა და ისრაელის გეგმების შესახებ აცნობა, თუმცა მას არ დაუკონკრეტებია, თუ რომელი სახელმწიფო იყო ეს.
Loading ...