ისრაელის თავდაცვის ძალები ირანის უსაფრთხოების ხელმძღვანელობის რამდენიმე წევრის, მათ შორის თავდაცვის მაღალი რანგის ოფიცრის, ალი შამხანის და ისლამური რევოლუციის გუშაგთა კორპუსის მეთაურის, მკვლელობას ადასტურებს. ამის შესახებ ინფორმაციას Times of Israel-ი ავრცელებს.
გამოცემის ცნობით, ისრაელის თავდაცვის ძალები დარტყმების შედეგად შემდეგი პირების დაღუპვას ადასტურებს: ალი შამხანი, ირანის რევოლუციის გუშაგთა კორპუსის საზღვაო ძალების ყოფილი მეთაური და არმიის მეთაური, და ირანის უზენაესი ლიდერის, აიათოლა ალი ხამენეის მთავარი მრჩეველი; მოჰამედ პაკპური, რევოლუციის გუშაგთა კორპუსის მეთაური; სალაჰ ასადი, ირანის სამხედრო საგანგებო სიტუაციების შტაბის დაზვერვის უფროსი და ირანის შეიარაღებული ძალების გენერალური შტაბის უფროსი დაზვერვის ოფიცერი; მოჰამედ შირაზი, ხამენეის სამხედრო ბიუროს უფროსი; აზიზ ნასირზადე, ირანის თავდაცვის მინისტრი და ირანის საჰაერო ძალების ყოფილი უფროსი და შტაბის უფროსის მოადგილე; ჰოსეინ ჯაბალ-ამელიანი, SPND-ის თავმჯდომარე; რეზა მოზაფარი-ნია, SPND-ის ყოფილი თავმჯდომარე.
Loading ...