ოზურგეთის აგრარულ ბაზარში უკვე დიდი ხანია მოვაჭრეები მიუსაფარ ცხოველებთან დაკავშირებული პრობლემების მოგვარებას ითხოვენ. მათი თქმით, ბაზარში ძაღლების დიდი რაოდენობაა, გახშირდა ადამიანების დაკბენის შემთხვევებიც, რის გამოც ბაზარში სასწრაფო დახმარების ჯგუფს თითქმის ყოველ კვირაში იძახებენ. მათივე თქმით, ცხოველები ქმნიან ანტისანიტარიასაც და ამ ყველაფრის გამო მოქალაქეები ბაზარში შემოსვლისგან თავს იკავებენ.
რა გეგმა და პრობლემის მოგვარების რა გზა აქვთ დასახული ადგილობრივ ხელისუფლებაში, ამის გასაგებად გურიაTV ოზურგეთის მუნიციპალიტეტის მერიას დაუკავშირდა, მაგრამ მათ კომენტარი არ გაუკეთებიათ.
კომენტარები
Loading ...