ირანელმა მეკლდეური ქალმა, 33 წლის ელნაზ რეკაბმა სეულში ჰიჯაბის გარეშე იასპარეზა. ამის შესახებ CNN იტყობინება.
მედიასაშუალების ცნობით, საზღვარგარეთ დაფუძნებული ირანული ორგანიზაციები ახლა ქალის უსაფრთხოების გამო შიშობენ.
სპორტსმენი თეირანში 19 ოქტომბერს დაბრუნდა. მას აეროპორტში აპლოდისმენტებით და შეძახილებით – „ელნაზი გმირია“დახვდნენ.
შემდეგ კი ინსტაგრამზე გამოქვეყნებულ ერთ-ერთ ვიდეოში სპორტსმენმა ქალმა თქვა, რომ ჰიჯაბის გარეშე მისი ასპარეზობა შემთხვევითობა იყო.
„როგორც უკვე განვმარტე, ეს სრულიად შემთხვევით მოხდა“, – თქვა სპორტსმენმა ირანულ მედიასთან საუბარში.
აღნიშნულს გამოეხმაურა Amnesty International-ი.
„ელნაზ რეკაბი იძულებით არ უნდა დააბრუნონ ირანში. ის შესაძლოა, წამებისა და არაადამიანური მოპყრობის მსხვერპლი გახდეს“, – აცხადებენ ორგანიზაციაში.
Loading ...