საპროკურორო საბჭომ კენჭისყრის შედეგად საქართველოს გენერალური პროკურორობის ოთხი კანდიდატი შეარჩია, რომელთა შორისაც ყოფილი გენერალური პროკურორი, ირაკლი შოთაძეა.
პროკურორობის კიდევ სამი კანდიდატია – სოფიო შენგელია, ვალერიან ვაჭარაძე და დარიკო თორდია.
ირაკლი შოთაძემ 10 ხმა მიიღო, სოფიო შენგელიამ – 9 ხმა, ვალერიან ვაჭარაძემ – 8 ხმა, ხოლო დარიკო თორდიამ 7 ხმა მიიღო. კენჭისყრაში მონაწილეობა საბჭოს 12-მა წევრმა მიიღო.
ცნობისთვის, საპროკურორო საბჭომ ერთიან სიაში შეყვანილ საქართველოს გენერალური პროკურორობის კანდიდატებად წარმოდგენილ პირებთან ინდივიდუალური გასაუბრება გუშინ, 5 თებერვალს დაასრულა. ხვალ კიდევ ერთი კენჭისყრა გაიმართება, რის შემდეგაც საპროკურორო საბჭოს მიერ შერჩეული კანდიდატი პარლამენტს დასამტკიცებლად წარედგინება.
interpressnews.ge
კომენტარები
Loading ...