პარტია ”ქართული ოცნების” თავმჯდომარემ ირაკლი ღარიბაშვილმა პოლიტიკიდან წასვლის გადაწყვეტილება მიიღო. ამის შესახებ ღარიბაშვილმა ბრიფინგზე განაცხადა.
”პირნათლად მოვიხადე ჩემი ვალი ჩემი ქვეყნისა და ხალხის წინაშე. ასევე, პარტიის წინაშე. არცერთი თანამდებობა არ ყოფილა თვითმიზანი. ეს ყოველთვის იყო ჩემი ხალხის მსახურების შესაძლებლობა.დღეს ”ქართული ოცნება” საბოლოოდ ჩამოყალიბდა ერთიან ძალად. ბუნებრივია ამაში თავისი როლი აქვს ჩვენი პარტიის დამფუძნებელს ბატონ ბიძინა ივანიშვილს. მისი ლიდერობით ”ქართულმა ოცნებამ” ქვეყანას უდიდესი საფრთხეები ააცილა.
ახლა ვეღარ ვხედავ ჩემი პოლიტიკაში ჩემი დარჩენის შესაძლებლობას, თუმცა ცხადია მე კვლავაც ერთგული ვარ 2012 წლის 1 ოქტომბრის გამარჯვების იდეალების და ჩემი ქვეყნის ერთგულ ჯარისკაცად ვრჩები. მინდა კიდევ ერთხელ მადლობა გადავუხადო ბატონ ბიძინა ივანიშვილს და პარტიის ყველა წევრსა თუ მომხრეს” – განაცხადა ღარიბაშვილმა.
Loading ...