„ქართული ოცნების“ ქალთა ორგანიზაციის დაფუძნებასთან დაკავშირებით, მმართველი პარტიის თავმჯდომარე ირაკლი კობახიძე, საპარლამენტო უმრავლესობის წევრებთან ერთად რეგიონებში შეხვედრებს განაგრძობს. მორიგი შეხვედრა დღეს ოზურგეთში, ოზურგეთის, ლანჩხუთისა და ჩოხატაურის ადგილობრივი ორგანიზაციების წევრ ქალბატონებთან გაიმართა. შეხვედრაზე ქალთა ორგანიზაციის დამფუძნებელი ყრილობის ჩატარებასთან დაკავშირებით პოზიციები შეჯერდა. შეხვედრაზე ისაუბრეს გენდერული კვოტირების შესახებ. იმაზე თუ რამდენად მნიშვნელოვანია ქალთა ჩართულობა ზოგადად პოლიტიკისა და ადგილობრივი თვითმმართველობის საკითხებში. შეხვედრაზევე დაანონსდა მარტის თვეში ორგანიზაციის დაფუძნებისა და კონფერენციის ჩატარების საკითხი. შეხვედრას საპარლამენტო უმრავლესობის წევრები, სამხარეო და ადგილობრივი მუნიციპალიტეტების ხელისუფლების წარმომადგენლები ესწრებოდნენ. ,, ქართული ოცნების ‘’ ადგილობრივი ორგანიზაციების წევრ ქალებთან შეხვედრებები აქტიურად მიმდინარეობს. დღეს შეხვედრა გაიმართა ქუთაისსა და ოზურგეთში.
Loading ...