რადიო თავისუფლების ევროპული ბიუროს უფროსი, რიკარდ იოზვიაკი დამატებით დეტალს ავრცელებს წერილზე, რომელიც ევროკავშირის მხრიდან საქართველოს მთავრობას გაეგზავნება.
მისი თქმით, წერილში გაწერილი პირობების შესრულების საბოლოო ვადად 31 აგვისტოა მითითებული.
შეგახსენებთ, რომ დღეს ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, კაია კალასმა ევროპული საბჭოს სხდომის დაწყებამდე განაცხადა, რომ “ქართული ოცნების” ხელისუფლებას უვიზო მიმოსვლასთან დაკავშირებული წერილი გაეგზავნება.
ისი თქმით, ამ წერილში გაწერილია გარკვეული პირობებიც, რომელთა არ შესრულება დათქმულ ვადამდე კი ევროკავშირის მხრიდან საქართველოსთან უვიზო მიმოსვლის შეწყვეტას გამოიწვევს.
“ჩვენ გავუგზავნეთ საქართველოს მთავრობას წერილი, რომელიც უვიზო მიმოსვლის რეჟიმს ეხება. არის ცალკეული პირობები, რომლებთანაც ისინი თანხვედრაში უნდა მოვიდნენ. თუ ეს პირობები არ იქნება შესრულებული დათქმულ ვადამდე, მაშინ მოგვიწევს შევაჩეროთ უვიზო მიმოსვლის რეჟიმი”, – თქვა კალასმა.
Loading ...