ინდოეთში, ძლიერი დაბინძურების გამო, მდინარე იამუნა ტოქსიკური ქაფით დაიფარა. ამის შესახებ CNN-ი იტყობინება.
ტელეარხის ცნობით, იამუნა განგის შენაკადია. მდინარეში ათწლეულობის განმავლობაში ჩაედინება ტოქსიკური ქიმიკატები ქარხნებიდან და კანალიზაციის წყლები. შედეგად, წყლის ზედაპირზე პერიოდულად ჩნდება თეთრი ფერის ტოქსიკური ქაფი. ის შეიცავს ამიაკისა და ფოსფატების მაღალ რაოდენობას, რაც რესპირატორულ დაავადებებსა და კანის პრობლემებს იწვევს.
თუმცა, ადგილობრივ მოსახლეობას ეს არ აშინებს და ისინი იამუნას წყალს მაინც იყენებენ დასაბანად და დასალევადაც კი. ინდუისტები მდინარეში რელიგიურ რიტუალებსაც ასრულებენ.
ამ კვირაში ტოქსიკურ ქაფს ნიუ დელიში ძლიერი სმოგიც დაემატა, რის გამოც სკოლებისა და ოფისების ნაწილი დაიხურა. შვეიცარიულმა კომპანიამ IQAir, რომელიც მსოფლიოში ჰაერის ხარისხის მონიტორინგს აწარმოებს, კვირის განმავლობაში ნიუ დელი მსოფლიოს ყველაზე დაბინძურებულ ქალაქად რამდენჯერმე დაასახელა.
ჰაერის დაბინძურების ინდექსი აქ 517-ს შეადგენს. შედარებისთვის, მსოფლიოს ყველაზე სუფთა ქალაქში – ოსლოში ეს მაჩვენებელი მხოლოდ 3-ია.
Loading ...
