ბაღდათის მუნიციპალიტეტის სოფელ ფერსათში საცხოვრებელი სახლი დაიწვა.
სახლში შუახნის მამაკაცი იმყოფებოდა, რომლის გადარჩენაც თვითმხილველმა სწრაფი რეაგირების შედეგად მოხერხდა.
“გამვლელმა შემთხვევით შენიშნა, რომ სახლს ცეცხლი ეკიდა, დაუყოვნებლივ გააჩერა ავტომობილი და მამაკაცი ცეცხლმოკიდებული სახლიდან გამოიყვანა. ადგილზე მობილიზებული იყო სახანძრო-სამაშველო, სასწრაფო სამედიცინო დახმარებისა და პოლიციის ეკიპაჟები. საცხოვრებელი სახლის გადარჩენა ვერ მოხერხდა, რადგან ის მთლიანად ხის იყო და სრულად დაიწვა”, – აცხადებს თვითმხილველი.
ხანძრის მიზეზად სავარაუდოდ, ძველი ელექტროგაყვანილობა სახელდება.
ინფორმაციას “ინფო ბაღდათი” ავრცელებს
კომენტარები
Loading ...