ილონ მასკმა მარკ ცუკერბერგი რინგზე გამოიწვია – ის დათანხმდა

მას შემდეგ, რაც ცნობილი გახდა, რომ Meta სოციალურ ქსელ Twitter-ის კონკურენტს ამზადებს, მილიარდერმა ილონ მასკმა გადაწყვიტა მისი თანამემამულე ასევე მილიარდერი მარკ ცუკერბერგი ბრძოლის რინგზე გამოიწვიოს – წერს The Verge.

გამოცემის ცნობით, მას შემდეგ, რაც ილონ მასკმა ტვიტერში დაწერა, რომ ის “მზადაა ცუკერბერგთან გალიაში ბრძოლისთვის”, Meta-ს აღმასრულებელმა დირექტორმა სწრაფადვე უპასუხა მასკის ტვიტს სკრინშოტის გამოქვეყნებით და წარწერით “გამომიგზავნე ადგილმდებარეობა”. მასკმა, თავის მხრივ, მოკლედ და გარკვევით უპასუხა: „ლას-ვეგასი, ოქტაგონი“.

გამოცემა სტატიაში მათ შედარებასაც აკეთებს. „თუ ორ მილიარდერს შორის შესაძლო ბრძოლის სწრაფ ანალიზს გავაკეთებთ, მაშინ გვექნება შემდეგი მოცემულობა: 51 წლის მასკს აქვს უპირატესობა ცუკერბერგთან შედარებით მასის მხრივ. ამავდროულად, მან თქვა, რომ სამხრეთ აფრიკაში იზრდებოდა “ნამდვილ სასტიკ ქუჩის ჩხუბებში”. 39 წლის ცუკერბერგმა კი ცოტა ხნის წინ ჯიუ-ჯიცუს ტურნირი მოიგო. გასული წლის სექტემბერში გავრცელდა ინფორმაცია, რომ ცუკერბერგმა დაიწყო ვარჯიში შერეულ ორთაბრძოლებში (MMA) და მისმა მწვრთნელმა მას რინგზე “ჩუმი მკვლელი” უწოდა. ცუკერბერგი ასევე აცხადებს, რომ ახლახან დაასრულა Murph Challenge 40 წუთზე ნაკლებ დროში. (ეს გამოწვევა მოიცავს 1 მილის გარბენს, 100 შტანგის აწევას, 200 აზიდვას, 300 ბუქნს 1 მილის განმეორებით გარბენით“ – აღნიშნულია პუბლიკაციაში.

ამასთან, მასკმა დაამატა, რომ ის აპირებს მოწინააღმდეგეს უბრალოდ დააწვეს და არაფრი გააკეთოს.

ცხადია, მასკ-ცუკერბერგის შესაძლო დაპირისპირება შეიძლება იყოს ყველა დროის ერთ-ერთი ყველაზე სანახაობრივი ბრძოლა – აღნიშნულია სტატიაში.