ხორვატიის ქალაქ პორეცში მიმდინარე ევროპის ახალგაზრდულ ჩემპიონატზე ძიუდოში ილია სულამანიძე (100კგ) ოქროს მედლის მფლობელი გახდა. ქართველმა სპორტსმენმა ფინალში თურქი მოწინააღმდეგე სუფთა გამარჯვებით დაამარცხა და ახალგაზრდებს შორის ევროპის ჩემპიონატი ზედიზედ მეორე მოიგო.
ბრინჯაოს მედლის მოპოვების შანსი ჰქონდა კიდევ ერთ ქართველ ძიუდოისტს, მიხეილ ბექაურს (90კგ),რომელმაც, სამწუხაროდ, თავისი ორთაბრძოლა რუს სპორტსმენთან დათმო. დღესვე, მოგვიანებით, მესამე ადგილისთვის საბა ინანეიშვილი (+100) იბრძოლებს. შეგახსენებთ, რომ ორი საშეჯიბრო დღის მერე საქართველოს ყულაბაში მხოლოდ ლუკა კაპანაძის (66კგ) ვერცხლის მედალი გახლდათ.
კომენტარები
Loading ...
