“იზრდება საპროცენტო განაკვეთები,მთავრობამ უნდა დაეხმაროს მათ ვისაც უჭირს სესხის გადახდა”-ეროვნული ბანკი

ეროვნული ბანკი ქვეყანაში პროდუქტების ფასების სტაბილურობაზეა პასუხისმგებელი.

სწორედ ამიტომ, ბანკს უწევს ხოლმე მონეტარული პოლიტიკის განაკვეთის გაზრდა, რაც სესხებზე ფასების მატებას იწვევს.

კობა გვენეტაძე ამბობს, რომ იმ ადამიანებს, რომლებსაც ყველაზე მეტად უჭირთ ამ სესხის გადახდა, მთავრობას უნდა ჰქონდეს ამ ადამიანების სია და სწორედ „ოცნება“ უნდა დაეხმაროს ასეთ მოქალაქეებს.

“იზრდება საპროცენტო განაკვეთები, რაც გადამხდელებისთვის, რა თქმა უნდა, არის ძალიან რთული. ჩვენ სოციალურ მხარეს ვეხებით. ამ შემთხვევაში ძირითადი როლი ეკისრება აღმასრულებელ ხელისუფლებას, იმისათვის, რათა იდენტიფიცირებული იყოს ის ჯგუფი, რომელზეც ყველაზე მეტად ახდენს რთული სიტუაცია გავლენას და მოხდეს მიზნობრივი, ანუ ტარგეტირებული დახმარება ზუსტად არ ჯგუფებისათვის. როდესაც მკაცრი ზომები არის მისაღები, ვთქვათ მონეტარული პოლიტიკის მხრიდან და მაშნ, როდესაც სხვადასხვა მიზეზების გამო სოციალური ვითარება შეიძლება გაუარესდეს, ეს ტარგეტირებულობა უზრუნველყოფს იმას, რომ რაც შეიძლება ნაკლებად გაიზარდოს ზოგადად სირარიბე ქვეყანაში”. – ამბობს კობა გვენეტაძე.