გათავისუფლებულ ქალაქ იზიუმში უკრაინის ხელისუფლებამ მასობრივი საფლავი იპოვა, რომელში 440 ცხედარი აღმოაჩინა.
ხარკოვის რეგიონის პოლიციის მთავარმა გამომძიებელმა სერხი ბოლვინოვმა Sky News-ს განუცხადა, რომ სასამართლო ექსპერტიზა ყველა სხეულზე ჩატარდება.
“შემიძლია ვთქვა, რომ ეს არის ერთ-ერთი უდიდესი სამარხი გათავისუფლებულ რაიონებში. 440 ცხედარი ერთ ადგილას დაკრძალეს .” – თქვა ბოლვინოვმა.
ბოლვინოვის განცხადებით, “ზოგი დაიღუპა საარტილერიო ცეცხლის გამო ზოგიც კი საჰაერო დარტყმების გამო.
ათასობით რუსი ჯარისკაცი გაიქცა იზუმიდან.
პრეზიდენტმა ვოლოდიმირ ზელენსკიმ დაადანაშაულა რუსეთი და იზიუმში არსებული სიტუაცია შეადარა იმას, რაც მოხდა ბუჩაში, დედაქალაქ კიევის გარეუბანში, თებერვლის ბოლოს რუსული ძალების შემოჭრის ადრეულ ეტაპზე. უკრაინა და მისი დასავლელი მოკავშირეები რუსეთის ძალებს სამხედრო დანაშაულების ჩადენაში ადანაშაულებენ.
“რუსეთი სიკვდილს ყველგან ტოვებს და პასუხისმგებლობა უნდა აგოს.”– განაცხადა ზელენსკიმ ვიდეომიმართვაში.
რუსეთმა არაერთხელ უარყო, რომ შვიდობიანი მოსახლეობა მისი სამიზნე იყო ან ჩაიდინა ომის დანაშაულებები.
Loading ...