ისრაელის თავდაცვის ძალების ინფორმაციით, იერუსალიმსა და ისრაელის სხვა ქალაქებზე ღაზას სექტორიდან რაკეტები გაუშვეს. ამის შესახებ BBC წერს.
გამოცემის ინფორმაციით, ჩართულია საჰაერო განგაშის სირენები. იერუსალიმში 3 აფეთქების ხმა გაისმა, თუმცა ამ ეტაპზე გაურკვეველია, რამ გამოიწვია აფეთქებები – რაკეტების ჩამოვარდნამ თუ თავდაცვის ძალების მიერ მათმა განადგურებამ.
რამდენიმე წუთი ადრე ისრაელის თავდაცვის ძალებში განაცხადეს, რომ ღაზას სექტორთან ყველა დასახლებაზე ისრაელის კონტროლი აღდგენილია.
ტერორისტულმა ორგანიზაცია „ჰამასმა“ ისარელზე თავდასხმა 7 ოქტომბერს, 06:30 საათზე განახორციელა და ახალი სამხედრო ოპერაციის დაწყების შესახებ განაცხადა. ისრაელიმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე შეტევა დაიწყო.
კომენტარები
Loading ...