”იგი საქართველოსთვის მებრძოლი ოჯახის შვილია და თავადაც სიცოცხლე სხვათა დასაცავად გასწირა.” – ილია მეორე ჯამბულათ ხოფერიას ოჯახს უსამძიმრებს

საქართველოს კათოლიკოს–პატრიარქი ილია მეორე უკრაინაში დაღუპული მებრძოლის ჯამბულათ ხოფერიას ოჯახს სამძიმარს უცხადებს. წერილი საპატრიარქოს ოფიციალურ გვერდზე გამოქვეყნდა.

”ჯამბულათ ხოფერიას გარდაცვალების გამო

 გამოვთქვამთ გულისტკივილს უკრაინაში დაღუპული ქართველი მებრძოლის, – ჯამბულათ ხოფერიას გარდაცვალების გამო.

იგი საქართველოსთვის მებრძოლი ოჯახის შვილია და თავადაც სიცოცხლე სხვათა დასაცავად გასწირა.

ღმერთი შეეწიოს და მის უკვდავ სულს თვისი სავანე დაუმკვიდროს; ოჯახის წევრებსა და ახლობლებს კი ლოცვის ძალა მისცეს და განაძლიეროს რწმენამ იმისა, რომ სიკვდილი რეალურად არ არსებობს და რომ გარდაცვალება მხოლოდ დროებითი განშორებაა ახლობლებთან.

სრულიად საქართველოს

კათოლიკოს-პატრიარქი