შრომის პირობების ინსპექტირების დეპარტამენტის უფროსის, ბექა ფერაძის განცხადებით, შაბათ-კვირას რესტორნების გახსნა ამ ეტაპზე არ იგეგმება.
ბექა ფერაძე რეგულაციის ძალაში დატოვების მიზეზად, ეპიდვითარებაზე სოციალური ღონისძიებების ნეგატიურ გავლენას ასახელებს.
„სოციალური ღონისძიებები ეპიდემიოლოგიურ ვითარებას აუარესებს. ამ ეტაპზე მოკლებული ვართ შესაძლებლობას, შაბათ-კვირას შემსუბუქებასთან დაკავშირებით. თუ თითოეული მოქალაქე და ბიზნეს სუბიექტი დაიცავს მოთხოვნებს, ეპიდსიტუაცია დასტაბილურდება და შემსუბუქების შემდგომი ნაბიჯების გადადგმა, შესაძლებელი იქნება. შაბათ-კვირას არაერთი სოციალური ღონისძიების ფაქტი დავაფიქსირეთ, რამაც ეპიდვითარების მცირედით გაუარესება განაპირობა“,-აღნიშნა ბექა ფერაძემ.