”იატაკი შუაზეა გამსკდარი, აქ ვეღარ ვიცხოვრებთ” – ბაქანიძეების ოჯახი მერიაში საცხოვრებლის გარეშე დარჩა

ხათუნა ჩავლეშვილი:

“საღამოს 21:00 საათი იქნებოდა, როცა სახლმა ხმის გამოცემა და ტკაცუნი დაიწყო. ეს ყველაფერი ერთი საათის მანძილზე ხდებოდა. მერე კი უცებ იატაკი შუაზე გასკდა. გაჩნდა ნახეთქებიც. სასწრაფოდ წავიყვანეთ ბავშვი და ღამე მეზობელთან გავათიეთ. სოციალურად დაუცველები და უმუშევრები ვართ. არც კი ვიცი, რა ბედი გველის, მთავრობა თუ არ დაგვეხმარება.”

ოსიკო თოთიბაძე, ოზურგეთის მუნიციპალიტეტის მერის მოადგილე:

”პირველ რიგში, ოჯახს შევთავაზებთ ალტერნატიულ ფართს, სადაც ქირას ჩვენ გადავუხდით. ამასობაში გეოლოგები შეისწავლიან სახლის მდგომარეობას და როცა საბოლოო დასკვნას დადებენ, შესაძლებელია სახლის შეძენის ეტაპზე გადასვლა. ლტოლვილთა და განსახლების სამინისტროს აქვს პროგრამა, რომლის ფარგლებშიც მსგავსი პრობლემის მქონე ოჯახებს მთავრობა სახლს უძენს. შესაბამისად, კანონის ფარგლებში, ვიზრუნებთ ამ ოჯახის აღნიშნულ პროგრამაში მოხვედრაზე.”