იაპონიამ კურილიის ოთხი კუნძული რუსეთის მიერ უკანონოდ ოკუპირებულად აღიარა

იაპონიამ კურილიის ოთხი კუნძული რუსეთის მიერ უკანონოდ ოკუპირებულად აღიარა.

იაპონიასა და რუსეთს შორის ურთიერთობები უკრაინაში ომის დაწყების შემდეგ გაუარესდა.

იაპონიის საგარეო საქმეთა სამინისტრომ ყოველწლიურ დიპლომატიურ ანგარიშში კუნძულები, რომელსაც რუსეთი სამხრეთ კურილიას უწოდებს, „ჩრდილოეთის ტერიტორიებად“ მოიხსენია.

აღსანიშნავია, რომ იაპონიას კუნძულების მიმართ ტერმინი უკანონოდ ოკუპირებული 2003 წლის შემდეგ არ გამოუყენებია. ანგარიშში ვკითხულობთ, რომ კუნძულებს ქვეყანა იაპონიის ტერიტორიებად განიხილავს, რომელზეც მას სუვერენული უფლება აქვს, თუმცა ამჟამად უკანონოდ არის ოკუპირებული რუსეთის მიერ.

სადავო კუნძულები საბჭოთა კავშირის ძალების მიერ 1945 წელს იქნა მიტაცებული.