ჩინეთში იანვრის შემდეგ პირველად, დღე-ღამის განმავლობაში კორონავირუსისგან არც ერთი სიკვდილი არ დაფიქსირებულა. საერთო ჯამში, ქვეყანაში ბოლო 24 საათში COVID-19 ინფექციის 32 ახალი შემთხვევა აღინიშნა, ყველა მათგანი უცხოეთიდან ჩამოსული პირია.
პანდემიის დაწყებიდან ჩინეთში 81,7 ათასზე მეტი ადამიანი დაინფიცირდა, 3,3 ათასზე მეტი გარდაიცვალა. ოფიციალური მონაცემებით, გამოჯანმრთელდა 77 ათასზე მეტი ადამიანი. ხვალიდან ქალაქ უხაანში, სადაც დეკემბრის ბოლოს კორონავირუსის ინფექციის პირველი გამოვლენა მოხდა, სატრანსპორტო შეზღუდვები მოიხსნება.
ჯონ ჰოპკინსის ინსტიტუტის თანახმად, მსოფლიოში კორონავირუსის მსხვერპლთა რიცხვი 5,3 ათასი ადამიანით გაიზარდა და 74.8 ათას ადამიანს მიაღწია.
ყველაზე მეტი დაღუპულია იტალიაში – 16 523 ადამიანი. შემდეგ მოდის ესპანეთი (13,341), აშშ (8,820), საფრანგეთი (8,911), დიდი ბრიტანეთი (5,373), ირანი (3,739) და ჩინეთი (3,331).
ინფექციების ყველაზე დიდი რაოდენობა დაფიქსირდა აშშ – ში – 368,241 შემთხვევა. აქედან, თითქმის 70 ათასი ნიუ იორკშია, ამ ქალაქში დაღუპულთა რიცხვმა თითქმის 3 ათასს მიაღწია.
Loading ...
