თხილის ბაღებში ფაროსანა მომვრავლებულია – ასოციაცია

თხილის მწარმოებელთა ასოციაციის აღმასრულებელი საბჭოს თავმჯდომარის თქმით, თხილის ბაღებში წელს ფაროსანა მომრავლებულია. როგორც მერაბ ჭითანავამ bm.ge-ს განუცხადა, ასოციაცია და სოფლის მეურნეობის სამინისტრო ფაროსანას გასანადგურებლად წამლობებში აქტიურად ჩართულია, თუმცა ფერმერზე ბევრი რამ არის დამოკიდებული, რომ წლევანდელი მოსავალი ხარისხიანი და შედეგად ძვირად ღირებული იყოს.

“ფაროსანას გაჩენას უამინდობას და გასულ წელს ფერმერების მხრიდან წამლობების სიმცირეს ვუკავშირებთ. სოფლის მეურნეობის სამინისტრო დღეიდან წამლობებს ინტენსიურად იწყებს, თუმცა ეს არ ნიშნავს იმას, რომ ფერმერების დახმარების გარეშე ეს რაიმე შედეგს გამოიღებს. თუ ფერმერმა თავის ბაღს არ მოუარა, მხოლოდ გარე წამლობებით ფაროსანას ეფექტის შემცირება ვერ მოხერხდება.

დიდი საფრთხე გვაქვს იმის, რომ ფაროსანა, სოკოვანი დაავადებები და სიდამპლე ერთობლივად მივიღოთ, რაც წლევანდელი თხილის მოსავლის ძალიან ცუდ ხარისხს მოგვცემს, შესაბამისად, პროცესში ფერმერების აქტიური ჩართულობა მნიშვნელოვანია.” – აღნიშნა ჭითანავამ.

www.bm.ge