თუ გსურთ იყოთ ჩვენს საზოგადოებაში, უნდა დაიწყოთ ამ საზოგადოების წევრებივით მოქცევა – ო’ბრაიენი “ოცნებას”

თუ გსურთ იყოთ ჩვენს საზოგადოებაში, მათ შორის, ისარგებლოთ ისეთი პრივილეგიებით, როგორებიცაა თქვენი შვილების სწავლა – განათლება, მაშინ უნდა დაიწყოთ ამ საზოგადოების წევრებივით მოქცევა” – ამის შესახებ აშშ-ის სახელმწიფო მდივნის თანაშემწე ევროპისა და ევრაზიის საკითხებში, ჯიმ ო’ბრაიენი სპეციალურად გამართულ ბრიფინგზე საუბრობს.

მის განცხადებებს ჟურნალისტი ალექს რაუფოღლუ X-ზე ავრცელებს.

ობრაიენმა აშშ-ის მიერ სავიზო შეზღუდვების დაწესებაზეც ისაუბრა და აღნიშნა, რომ ამ ეტაპზე სანქცირებულთა სია არ ქვეყნდება:

“ჩვენ არ ვაქვეყნებთ სახელების სიას, ეს არ არის ის, რის უფლებასაც გვაძლევს კანონი, მაგრამ ჩვენ ნათლად განვაცხადეთ ის ქმედებები, რომლებიც ჩვენთვის განსაკუთრებულად შემაშფოთებელია –  კერძოდ, ძალადობის გამოყენება და დაშინება. ეს არის მცდელობა, ძირი გამოუთხაროს დემოკრატიულ პროცესებს. მოგეხსენებათ, ეს ეხება არამხოლოდ თანამდებობის პირებს, არამედ მათი ოჯახის წევრებსაც.. – ამბობს ობრაიენი. 

მისივე თქმით, საქართველოს ხელისუფლების ბოლოდროინდელი ქმედებები ქვეყნის ევროინტეგრაციასთან შეუთავსებელია.

უცხოელი ჟურნალისტის ინფორმაციით, კითხვაზე, დაინტერესებულია თუ არა [საქართველოს] დღევანდელი ხელმძღვანელობა წინსვლისკენ, ბლინკენის თანაშემწის თქმით- “ჩვენი ყურადღება გამახვილებულია კონკრეტულ ქმედებებზე, რომლებსაც ისინი ახორციელებენ და იმედი გვაქვს, რომ გააცნობიერებენ, რომ თავიანთ ხალხს სურთ ევროპისა და NATO-სკენ სვლა”.

“ჩვენ მხარს ვუჭერთ საქართველოში რეფორმებს და მის ინტეგრაციას ევროკავშირსა და NATO-ში. ეს იყო ჩემი მთავარი გზავნილი გასულ კვირას, ჩემი [თბილისში] ვიზიტისას. ჩვენ ვგრძნობთ, რომ ეს კანონი, მის გარშემო არსებული რიტორიკა და დემონსტრანტებს მიმართ ძალადობა წინსვლის არჩევანს არ შეესაბამება.

[…]თუ ამბობ, რომ გინდა ფეხბურთის მატჩში მონაწილეობა… თქვენ თამაშობთ იმ კლუბის წესებით, რომელშიც ცდილობთ გაწევრიანდეთ.”, – ამბობს ო’ბრაიენი რაუფოღლუს თქმით.