თურქმენეთის ხელისუფლებამ ზოგიერთ საბავშვო ბაღში აკრძალა მულტფილმების ჩვენება. რადიო თავისუფლების თურქმენული სამსახურის ცნობით ეს მოხდა მას შემდეგ, რაც ფარაპსკის, დიანევსკისა და დარგანტინის რაიონების საბავშვო ბაღებს ინსპექტირების ჩატარების მიზნით ესტუმრნენ აშხაბადიდან ჩასული სპეციალისტები.
„ინსპექტორებმა აღმზრდელები დაადანაშაულეს იმაში, რომ ისინი ბავშვებს რუსულ ენაზე უჩვენებდნენ მულტფილმებს, რის გამოც საბავშვო ბაღების ხელმძღვანელებს მკაცრი საყვედური გამოუცხადეს, ხოლო მასწავლებლები კი დაითხოვეს სამსახურიდან“, – უთხრა წყარომ რადიო თავისუფლების თურქმენულ სამსახურს.
ბავშვთა ბაღების ხელმძღვანელებს მიეცათ გაფრთხილება, რომ აღსაზრდელებმა მხოლოდ თურქმენულ ენაზე უყურონ მულტფილმებს.
თურქმენეთში სახელმწიფო ენის სტატუსით მხოლოდ თურქმენული ენა სარგებლობს, ხოლო რუსულ ენას ამ ცენტრალური აზიის ქვეყანაში არ აქვს არავითარი სტატუსი. თურქმენეთში ამჟამად მხოლოდ ერთი რუსულენოვანი სკოლა მოქმედებს, თუმცა ცალკეული რუსულენოვანი კლასები არსებობენ აშხაბადისა და სხვა მსხვილი რაიონული ცენტების სკოლებში.
www.radiotavisupleba.ge
Loading ...