თურქეთის აღმოსავლეთით, მალათიის პროვინციაში 5,3 მაგნიტუდის სიმძლავრის მიწისძვრა მოხდა. კატასტროფებისა და საგანგებო სიტუაციების მართვის სამსახურის (AFAD) ცნობით, მიწისძვრის ეპიცენტრი იეშილიურტის რაიონი იყო.
მიწისძვრა იგრძნობოდა ახლომდებარე პროვინციებში, მათ შორის კაჰრამანმარაში, ადიამანში, შანლიურფასა და გაზიანთეპში.
თურქული მედიის ინფორმაციით, მიწისძვრის შემდეგ ხალხი ქუჩაში გამოვიდა. მალათიის გუბერნატორის თქმით, დაინგრა მიტოვებული შენობა, რომელიც 6 თებერვლის ძლიერი მიწისძვრის დროს დაზიანდა. მისივე ცნობით, პანიკაში ჩავარდნილი ერთ-ერთი ადამიანი აივნიდან გადახტა.
მსხვერპლის, ან დაშავებულების შესახებ ინფორმაცია ჯერჯერობით არ გავრცელებულა.
შეგახსენებთ, თებერვალში თურქეთში 7,7 და 7,6 მაგნიტუდის სიმძლავრის დამანგრეველი მიწისძვრები მოხდა. ქვეყნის სამხრეთ-აღმოსავლეთ ნაწილში განადგურდა სახლები, გზები, დაიღუპა მინიმუმ 50 000 ადამიანი და დაშავდა ათასობით. ქვეყანაში მომხდარის გამო საგანგებო მდგომარეობაც იყო გამოცხადებული.
Loading ...
