თურქეთში, ჩრდილოეთ მარმარილოს გზატკეცილზე, სამგზავრო ავტობუსის გადატრიალების შედეგად დაღუპულთა რაოდენობა 4-მდე გაიზარდა. ავტობუსი დამცავ ჯებირს შეეჯახა და გადატრიალდა, შემთხვევის შედეგად კიდევ 26 ადამიანი დაშავდა. ინფორმაციას თურქული მედია ავრცელებს.
მედიის ცნობით, “დაუდევრობით გამოწვეული სიკვდილისა და სხეულის დაზიანების“ ბრალდებით დაკავებულია ავტობუსის მძღოლი. მისი დაკავების გადაწყვეტილება გამოძიების შემდეგ მოსამართლემ მიიღო.
როგორც მძღოლი განმარტავს, ავტობუსის მართვა სველი და მოლიპული გზის გამო ვერ შეძლო და საჭე ვერ დაიმორჩილა. მედიაში გავრცელებულ კადრებში ჩანს, რომ ავტობუსი მოსახვევში ვერ შევიდა, გზის დამცავ ჯებირს შეეჯახა და შემდეგ გადატრიალდა.
თურქული მედიის ინფორმაციით, ავტობუსი ტოკათიდან თეკირდაგში მიემართებოდა.
კომენტარები
Loading ...