თურქეთში მასშტაბურ ტყის ხანძარს ებრძვიან. როგორც მედია წერს, ასობით ადამიანი ევაკუირებულია, არიან დაშავებულები.
ხანძარი ჩანაქკალეს პროვინციის ცენტრში გაჩნდა. ძლიერი ქარის გამო ცეცხლი სწრაფად ვრცელდება. ქალაქის გუბერნატორმა, ომერ ტორამანმა განაცხადა, რომ ხანძრის სალიკვიდაციო სამუშაოებში თვითმფრინავები, ვერტმფრენები, სახანძრო მანქანები და შესაბამისი უწყების დაახლოებით 700 თანამშრომელია ჩართული.
ხელისუფლებამ დაიწყო მოსახლეობის ევაკუაცია, მათ შორის უნივერსიტეტის კამპუსიდან, სამხედრო და საცხოვრებელი ტერიტორიებიდან და მოუწოდა მოსახლეობას, თავი შეიკავონ გადაადგილებისგან, რათა სასწრაფო დახმარების მანქანებისთვის გზები თავისუფალი იყოს.
როგორც მედია წერს, ძლიერი დაკვამლიანების შედეგად, დაახლოებით 50 ადამიანი დაშავდა და მათ მკურნალობა ახლომდებარე სამედიცინო დაწესებულებებში უტარდებათ.
Loading ...