თურქეთში კიდევ ერთი ძლიერი მიწისძვრა მოხდა

თურქეთში კიდევ ერთი ძლიერი მიწისძვრა მოხდა. ინფრმაციას, ევროპულ-ხმელთაშუა ზღვის სეისმოლოგიური ცენტრი ავრცელებს. წინასწარი შეფასებით, ბიძგების სიმძლავრე 7.7 მაგნიტუდს შეადგენდა.

ევროპული-ხმელთაშუა ზღვის სეისმოლოგიური ცენტრი წერს, რომ ბიძგების ეპიცენტრი 59 კმ-ით იყო დაშორებული ქაჰრამანმარაშის პროვინციიდან. ეს პროვინცია გვიან ღამით მომხდარი პირველი ძლიერი მიწისძვრის ეპიცენტრი იყო.

თურქული მედიის ინფორმაციით, მიწისძვრა ადგილობრივი დროით 13:23 წუთზე მოხდა. ბიძგები რამდენიმე ქალაქში იგრძნობოდა.

შეგახსენებთ, თურქეთსა და სირიაში ძლიერი მიწისძვრის შედეგად დაღუპულთა რიცხვმა 1 200-ს გადააჭარბა. ამ დორის მონაცემებით, თურქეთში მიწისძვრას 912 ადამიანი ემსხვერპლა, სირიაში კი 386.