თურქეთში ინფლაციამ 19.89% შეადგინა

თურქეთში, ოქტომბერში ინფლაციამ 19.89% შეადგინა. ამის შესახებ ადგილობრივი მედიის ცნობით, ქვეყნის სტატისტიკის სამსახური იტყობინება.

უწყების ცნობით, სექტემბერთან შედარებით ინფლაცია 0.31 პროცენტული პუნქტით გაიზარდა, ხოლო 2020 წლის ოქტომბერთან შედარებით მნიშვნელოვნად, ვინაიდან გასული წლის ანალოგიურ თვეს თურქეთში ინფლაციის მაჩვენებელი 11.89% იყო.

გასულ თვეს ყველაზე მეტად ფასების ზრდა საკვებ და არაალკოჰოლურ სასმელებზე დაფიქსირდა (27.41%), მას მოჰყვება სასტუმროები-კაფეები-რესტორნები (25.53%) და ავეჯი და საოჯახო მოწყობილობები (23.03%).

თურქეთის ცენტრალურმა ბანკის პროგნოზით, წლის ბოლოსთვის ინფლაცია 18.4%-იანი მაჩვენებელს შეადგენს, რაც წინა პროგნოზთან (14.1%) შედარებით მეტია.

www.bm.ge