თურქეთში, ვანის პროვინციაში მიწისძვრის შედეგად შვიდი ადამიანი დაიღუპა

თურქეთში, ვანის პროვინციაში 5.7 მაგნიტუდის სიმძლავრის მიწისძვრა მოხდა. დაღუპულია შვიდი ადამიანი, მათ შორის სამი ბავშვია. დაშავებულია კიდევ ხუთი პირი.

გავრცელებული ინფორმაციით, ნანგრევებში მოყოლილთა გადასარჩენად სამძებრო-სამაშველო ოპერაცია მიმდინარეობს.

მიწისძვრა თურქეთ-ირანის საზღვრის სიახლოვეს, მიწის ზედაპირიდან 5 კმ-ის სიღრმეში, გამთენიისას მოხდა.

www.1tv.ge