თურქეთმა თხილის ექსპორტიდან $2.2 მილიარდის შემოსავალი მიიღო

თურქეთი, მსოფლიოში ყველაზე დიდი თხილის მიმწოდებელი ქვეყანა, აცხადებს, რომ 2.2 მილიარდი აშშ დოლარის ოდენობის შემოსავალი მიიღო გასული წლის სექტემბრიდან მიმდინარე წლის ივლისის ჩათვლით პერიოდში. ამის შესახებ ინფორმაციას Anadolu Agency-ი ავრცელებს.
პროდუქციის ექსპორტიორთა ასოციაციის და Black Sea Hazelnut-ის გავრცელებული ინფორმაციით, აღნიშნული რიცხვი 44%-ით არის გაზრდილი გასული 2018-2019 წლის ანალოგიურ პერიოდთან შედარებით.
რაც შეეხება მიმდინარე სეზონს, აგვისტოს მონაცემებით, თხილზე მოთხოვნა 26%-ით გაიზარდა და 331,066 ტონა შეადგინა.
აღსანიშნავია, რომ თურქეთმა თხილის ექსპორტის 77% ევროკავშირის ქვეყნებში განახორციელა, სადაც 256,000 ტონა თხილი იქნა ექსპორტირებული, საიდანაც ქვეყანამ 1.7 მილიარდი აშშ დოლარის შემოსავალი მიიღო.

www.bm.ge