თურქეთის პრეზიდენტი COVID-19-ზე აიცრა

თურქეთის პრეზიდენტი COVID-19-ზე აიცრა

თურქეთის პრეზიდენტმა რეჯეფ თაიფ ერდოღანმა ხუთშაბათს COVID-19-ის ჩინური CoronaVac ვაქცინის პირველი დოზა გაიკეთა.

“მეც ავიცერი” – წერს ერდოღანი თავის Telegram-არხზე.

“მჯერა, რომ თუ ყველა პოლიტიკური ლიდერი, პარლამენტის წევრები წაახალისებენ ვაქცინის გაკეთებას, ეს იქნება სწორი გადაწყვეტილება” – თქვა თურქეთის პრეზიდენტმა ჟურნალისტებთან.

ერდოღანმა აღნიშნა, რომ მმართველი პარტიის სამართლიანობა და განვითარების წევრების ნაწილი მასთან ერთად აიცრა.

პრეზიდენტის თანახმად ამ ეტაპისთვის თურქეთში სამედიცინო სფეროს 250 000 მუშაკი აიცრა. ჯანდაცვის სამინისტროს ინფორმაციით ერთი თვის მანძილზე 1.1 მილიონი სამედიცინო სფეროს წარმომადგენელი აიცრება.

ჩინური წარმოების ვაქცინის ადმინისტრიება ორ ეტაპად მოხდება. პირველი და მეორე დოზების გაკეთებას შორის დაშორება 28 დღეა. ისინი, ვინც COVID-19 გადაიტანა, გამოკანმრთელებიდან 4-6 თვის მანძილზე არ აიცრებიან.

პანდემიის დაწყების შემდეგ დღემდე თურქეთში კორონავირუსის 2 364 801 შემთხვევა გამოვლინდა, დაიღუპა 23 495 ადამიანი.