“თურმე ამდენი ხანი იმიტომ არ იწყალებდა სალომე ზურაბიშვილი სააკაშვილს, რომ მისი ადგილის დაკავება სურდა” – წილოსანი

“ახლა ალბათ ყველაზე მეტად ვინც უნდა ინერვიულოს, მიხეილ სააკაშვილია, რომელსაც თურმე ამდენი ხანი იმიტომ არ იწყალებდა სალომე ზურაბიშვილი, რომ მისი ადგილის დაკავება სურდა, “- ამის შესახებ „ქართული ოცნების“ წევრმა ნინო წილოსანმა პარლამენტის პლენარულ სხდომაზე სიტყვით გამოსვლისას განაცხადა.

წილოსანის თქმით, ზურაბიშვილის დაანონსებულ ომის ქარტიას, არც ერთ კვლევაში 30%-ზე მეტი რეიტინგი არ აქვს.

„მაშინ, როცა ყველაფერი გააკეთეთ დესტაბილიზაციისთვის ქალბატონო სალომე, ახლა მოგინდათ არჩევნებამდე სტაბილურობით მისვლა? ამისთვის ახეთქეთ ახალგაზრდები პარლამენტის კედლებს? ამისთვის აძლევდით ინტერვიუს ინტერვიუზე? ამისთვის აგზავნინეთ მუქარა მუქარაზე, რომ რასაც ჩვენ ვამბობდით, არჩევნები ერთადერთი სწორი დემოკრატიული პროცესიაო იგივე გეთქვათ დღეს ამ ხალხისთვის? საზოგადოებას კი მინდა, ვუთხრა, ყველაფერი ისე იქნება, როგორც ჩვენ გპირდებით და გეუბნებით ხოლმე, ყველაფერი სხვა დანარჩენი კი მატყუარა პოლიტიკოსებისა და ქვეყნის მტრების უნიჭო ოინებია.

ახლა კი რას გვეუბნება ნეოსააკაშვილის, იგივე სალომე ზურაბიშვილის დაანონსებული ომის ქარტია, რომ ექნებათ – ერთობა, ერთიანობის გარეშე, ევროპული მიზნები გამჭვირვალობის გარეშე, არჩევნებში გამარჯვება – გამარჯვების გარეშე, რადგან გაუგებარია ამ გეგმით როგორ იმარჯვებენ, არც ერთ კვლევაში 30%-ზე მეტი რეიტინგი არ აქვს ჯამურად გაერთიანებულ ნაცკასტას.

სანერვიულოს კი რაც შეეხება, ახლა ალბათ ყველაზე მეტად, ვინც უნდა ინერვიულოს მიშა სააკაშვილია, რომელსაც თურმე ამდენი ხანი იმიტომ კი არ იწყალებდით, ქალბატონო სალომე, რატომაც ჩვენ და საზოგადოებას გვეგონა, არამედ უბრალოდ მისი ადგილის დაკავება გსურდათ. გილოცავთ, გზა და მორალ აცდენილი ოპოზიციის ნეოსააკაშვილობას“, – აცხადებს ნინო წილოსანი.