“თუკი სადმე შევხვედრილვარ მიუკერძოებელ ჟურნალისტებს, ასეთია “გურიაTV” და რეგიონული მედია – კელი დეგნანი

,, ორშაბათს ჩვენ ავღნიშნეთ პრესის საერთაშორისო დღე საელჩოში. გადავხედეთ ჩვენს საქმიანობას იმ მიმართულებით, თუ როგორ ვეხმარებით ჟურნსლისტებს და მედია ორგანიზაციებს იმაში, რომ მათ შეძლონ ზუსტი ინფორმაციის მიწოდება თავისი მაყურებლისთვის. მედია და ჟურნალისტები თამაშობენ უდიდეს როლს ჯანსაღი დემოკრატიისათვის. მსოფლიომ კარგად იხილა, თუ რა ხდება უკრაინაში, როგორი თავგანწირვით და სიმამაცით ახორციელებენ ჟურნალისტები თავიანთ საქმიანობას, ბევრი მათგანი სამწუხაროდ დაიღუპა კიდეც. ეს კიდევ ერთხელ მიანიშნებს იმაზე თუ რაოდენ მნიშვნელოვანია ეს პროფესია.
რაც შეეხება საქართველოში მედიაგარემოს , ჩვენ ვხედავთ, რომ საკმაოდ ის პოლარიზებული და პოლიტიზებულია სხვადასხვა პარტიებთან. თუკი მე შევხვედრილვარ ყველაზე პროფესიონალ, ასევე,  დამოუკიდებელ , მიუკერძოებელ ჟურნალისტებს, ეს გახლავთ რეგიონებში, ისეთ არხებზე, როგორიც ,, გურიაTV” და მრავალი სხვა რეგიონული არხი. რომლებიც ასრულებენ მართლაც ძალიან მნიშვნელოვან როლს საზოგადოებისთვის, საკუთარი თემებისთვის. ძალიან მნიშვნელოვანია, რომ ასეთ კომპანიებს ჰქონდეთ შესაძლებლობა წარმატებით იმუშაონ.
ჩვენი საელჩო ახორციელებს მრავალ პროგრამას და საგრანტო კონკურსს მედია ორგანიზაციების დასახმარებლად. მე ვიცი, რომ ძალიან ბევრი ჟურნალისტი არის გაცვლითი პროგრამის მონაწილე, ისინი იყვნენ ამერიკაში, შეხვდნენ პარტნიორ მედია ორგანიზაციებს და იქედან წამოიღეს ძალიან ბევრი იდეა. ძალიან მნიშვნელოვანია, თავად საქართველოს მთავრობა აძლიერებდეს ადგილობრივ მედიას. როგორც ვიცი, ბოლო პერიოდში განხორციელდა საკანონმდებლო ცვლილება, რითაც კიდევ უფრო მეტად შემცირდა მხარდაჭერა ადგილობრივი მედიის მიმართ. მნიშვნელოვანია, კარგად იქნას გამოყენებული ადგილობრივი მედია, იმიტომ რომ ისინი ასრულებენ უმნიშვნელოვანეს როლს ადგილობრივი თემისთვის” – განაცხადა დეგნანმა.