დაწყებითი კლასების ამერიკელმა მასწავლებელმა, მარისა ფოტიოს Covid-19-ი თვითმფრინავის ბორტზე დაუდასტურდა, რის შემდეგაც მან ფრენის დარჩენილი 5 საათი თვითმფრინავის ტუალეტში ნებაყოფლობით თვითიზოლაციაში გაატარა. ფოტიო ჩიკაგოდან რეიკიავიკში 20 დეკემბერს მიფრინავდა.
როგორც თავად მასწავლებელი ყვება, ფრენის დროს მას ყელი ასტკივდა და სწრაფი ტესტი თავად ჩაიატარა. ტესტმა Covid-19 დაადასტურა. რის შემდეგაც ფოტიომ ფრენა თვითიზოლაციაში გაატარა.
“წარმოუდგენელი გამოცდილება იყო. რეისზე 150 ადამიანი იყო, ყველაზე მეტად იმის მეშინოდა, Covid-19 მათთვის არ გადამედო.” – თქვა ფოტიომ NBC News-სთან საუბრისას.
მასწავლებელმა დახმარებისთვის ბორტგამცილებელს გადაუხადა მადლობა.
“[ბორტგამცილებელმა] ყველაფერი გააკეთა, რომ 5 საათის განმავლობაში ყველაფერი მქონოდა რაც მჭირდებოდა – სასმელი, საჭმელი. მუდმივად მეხმიანებოდა და მარწმუნებდა, რომ კარგად ვიქნებოდი.” – თქვა ფოტიომ.
რეიკიავიკში ჩასვლის შემდეგ ის წითელი ჯვრის სასტუმროში კარანტინში გადავიდა.
მარისა ფოტიომ თვითიზოლაციაში გადაღებული ვიდეო Tiktok-ზე გამოაქვეყნა. ვიდეოს 4 მილიონზე მეტი ნახვა აქვს.
https://www.tiktok.com/@marisaefotieo/video/7043999713166642438?is_from_webapp=1&sender_device=pc&web_id6916901424350807557
Loading ...