თვალჭრელიძის ქუჩაზე პოლიციამ 17 პირი ადმინისტრაციული წესით დააკავა. მომხდარის შესახებ ინფორმაციას ტაბულას შინაგან საქმეთა სამინისტროში უდასტურებენ.
უწყების ცნობით, მოქალაქეები ადმინისტრაციულ სამართალდარღვევათა კოდექსის 173-ე მუხლით დააკავეს, რაც სამართალდამცავის კანონიერი მოთხოვნისადმი დაუმორჩილებლობას გულისხმობს.
სოციალურ ქსელში გავრცელებული ინფორმაციის მიხედვით, დაკავებულთა შორის არიან სტუდენტები, აქტივისტები, ადგილობრივი მოსახლეობა.
“თვალჭრელიძის ქუჩაზე დააკავეს მოქალაქეები: ლადო ჩახაია, გიორგი შაიშმელაშვილი, ხვიჩა შაიშმელაშვილი,დათუნა დანელია,გიორგი დუმბაძე,სოფო მარკოზია, მარიამ მეყანწიშვილი,ნიკოლოზ ტყემალაძე, ნენე გაბლაია, ვასო ბერიძე, დათა ქაშიაშვილი.” – წერს დოდი ხარხელი სოციალურ ქსელში.
თბილისში, თვალჭრელიძის ქუჩაზე საპატრულო პოლიციის და აღსრულების ბიუროს თანამშრომლების მიერ შენობიდან დევნილთა გამოსახლების პროცესი მიმდინარეობს.
მაცხოვრებლების ცნობით, მერიამ მათ 2-3 თვით ქირის გადახდა შესთავაზა.
აღსრულების პოლიციის განმარტებით, სამხარაულის ექსპერტიზის ეროვნული ბიუროს დასკვნით, შენობას მინიჭებული აქვს მეოთხე კატეგორიის ავარიულობის ხარისხი.
წყარო: tabula.ge
Loading ...