“ვებსაიტი იმედი.ჯი რუსულ სერვერზე გადასკუპდა”, — ამის შესახებ გირჩი – მეტი თავისუფლების წევრი, თემურ გორგაძე სოციალურ ქსელში წერს. მისი თქმით, სერვერის დასახელებაა ns1. ddos – guard. net. კომპანია DDoS-Guard რუსულია და ვებგვერდის უსაფრთხოებასა და ტრაფიკის გაფილტვრას უზრუნველყოფს.
“ტვ იმედი”, ბრიტანეთი, რუსეთი და სანქციები — ახსნილი გლეხურად: ვებსაიტი იმედი.ჯი გადასკუპდა ახალ სერვერზე, რომლის დასახელებაა ns1. ddos – guard. net. ვის ეკუთვნის ეს სერვერი? კომპანია DDoS-Guard-ს. საიდან არის ეს კომპანია? ეს არის რუსული კომპანია. იგი დაარსდა რუსეთში (ქალაქ დონის როსტოვში). ეს ნიშნავს, რომ ვებგვერდის უსაფრთხოებასა და ტრაფიკის გაფილტვრას ეს რუსული პროვაიდერი უზრუნველყოფს. საიდან ვიცით ეს. ამის გასაგებად საკმარისია გუგლი და 2 წუთი. არა ძმა რა რუსეთი, რა რუსული პროპაგანდა იმედი დამოუკიდებელი მედიაა”, — წერს “გირჩი — მეტი თავისუფლების” წევრი, თემურ გორგაძე სოციალურ ქსელში.
ის აზუსტებს, რომ კომპანია 2011 წელსაა რუსების მიერ დაფუძნებული. დამფუძნებლები არიან, რუსი სპეციალისტები — ევგენი მარჩენკო და დიმიტრი საბიტოვი. “ისე კომპანია შოტლანდიაში, ბელიზში და დუბაიში სხვადასხვა სახელებით მოქმედებს, რომ საერთაშორისო ბაზარზე გაუადვილდეს საქმე. მარა სათაო ოფისი ახლაც რუსეთში აქვთ”, – წერს გორგაძე. მისივე თქმით, postv.media ამერიკულ ჰოსტინგებს იყენებს
მანამდე ბრიტანეთის მიერ სანქცირებულმა ტელეკომპანია “იმედმა” გაავრცელა განცხადება, სადაც წერდა: “სანქციებისგან გამოწვეული ტექნიკური პრობლემა აღმოფხვრილია, imedinews.ge და imedi.ge ჩვეულ რეჟიმში აგრძელებს მუშაობას”.
Loading ...