თელავში ხანძარს ორი ადამიანი ემსხვერპლა

თელავში, შუამთის ტერიტორიაზე, ხანძრის შედეგად, ორი კაცი გარდაიცვალა. კიდევ ერთი დაშავებული, რომელსაც სხეულის 60%-იანი დამწვრობა აქვს მკურნალობის კურსს კლინიკაში გადის.

შემთხვევა ორი დღის წინ მოხდა. არსებული ინფორმაციით, კოტეჯში 4 ადამიანი იმყოფებოდა, რომლებიც სავარაუდოდ, ალკოჰოლური ზემოქმედების ქვეშ იყვნენ. გაჩენილი ხანძრიდან იქ მყოფმა პირმა მხოლოდ ერთის გამოყვანა შეძლო, ორი კი ადგილზე დაიღუპა.

ცნობილია, რომ გარდაცვლილები ქართლის რეგიონიდან იყვნენ და ისინი შუამთაში, ერთ-ერთ ობიექტზე სამშენებლო სამუშაოებს ასრულებდნენ.

შინაგან საქმეთა სამინისტროში განაცხადეს, რომ მომხდარზე გამოძიება დაწყებულია.