თეთრი სახლის პრესმდივანი პუტინზე – ვნახეთ მცდელობები, აქტივები შვილების ანგარიშებსა და რესურსებში დაემალა

თეთრი სახლის პრესმდივნის, ჯენ ფსაკის განცხადებით, არავის უნდა ჰქონდეს ილუზია, რომ მიუხედავად რუსული ძალების, უკრაინის ჩრდილოეთიდან უკან დახევისა, კრემლის მიზნები შეიცვალა. ამის შესახებ ინფორმაციას CNN-ი ავრცელებს.

,,მათ მიზნად უკრაინის შეძლებისდაგვარად დასუსტება რჩება და არავის უნდა ჰქონდეს ილუზია, რომ ეს მიზანი შეიცვალა, მიუხედავად იმისა, რომ მათი ტაქტიკა შეიცვალა”, – განაცხადა ფსაკმა.

ფსაკმა ასევე განაცხადა, რომ შეერთებულმა შტატებმა, სანქციები დაუწესა რუსეთის პრეზიდენტ ვლადიმერ პუტინის ორ აღიარებულ ზრდასრულ შვილს, მარია პუტინასა და კატერინა ტიხონოვას, რადგან მთავრობამ, მათთან ფულის გადამალვის მცდელობები დაინახა.

,,ჩვენ ვნახეთ მცდელობები, რათა აქტივები მისი შვილების ანგარიშებსა და რესურსებში დაემალა”, – განაცხადა ფსაკიმ.