თევზეული 23%-ით გაძვირდა — საქსტატის მონაცემებით, ფასების ზრდის რეკორდი თევზსა და პურზე ფიქსირდება

სტატისტიკის ეროვნული სამსახურის მონაცემებით, წლიური ინფლაციის ფორმირებაზე ძირითადი გავლენა იქონია ფასების ცვლილებამ სურსათსა და უალკოჰოლო სასმელებზე. ჯგუფში ფასები გაიზარდა 9.5 პროცენტით, რაც წლიურ ინფლაციაზე 3.2 პროცენტული პუნქტით აისახა. ფასები 23.1 პროცენტითაა მომატებული თევზეულზე, პური და პურპროდუქტები 13.8 პროცენტით გაძვირდა, ხილი და ყურძენი – 13.3 პროცენტით. 10.2 პროცენტითაა ფასები მომატებული ბოსტნეულსა და ბაღჩეულზე. ხორცი და ხორცის პროდუქტები 9.6 პროცენტით გაძვირდა, შაქარი, ჯემი და სხვა ტკბილეული – 9.4 პროცენტით. ზეთი და ცხიმი 7.1 პროცენტითაა გაძვირებული, ყავა, ჩაი და კაკაო კი 5.9 პროცენტით. მინერალური და წყაროს წყალი, უალკოჰოლო სასმელები და ნატურალური წვენები 5.3 პროცენტით გაძვირდა, რძე, ყველი და კვერცხი კი 5.3 პროცენტით.

ჯანმრთელობის დაცვა: ჯგუფში ფასები მომატებულია 5.9 პროცენტით, რაც წლიურ ინფლაციაზე 0.5 პროცენტული პუნქტით აისახა. სამედიცინო პროდუქცია, აპარატურა და მოწყობილობა 8.1 პროცენტით გაძვირდა, ამბულატორიული სამედიცინო მომსახურება – 5.6 პროცენტით, ხოლო საავადმყოფოების მომსახურება – 1.7 პროცენტით.

სხვადასხვა საქონელი და მომსახურება: ჯგუფში ფასები გაიზარდა 9.8 პროცენტით, რაც 0.48 პროცენტული პუნქტით აისახა მთლიან ინდექსზე. ფასები, ძირითადად, მომატებულია ქვეჯგუფებზე: პირადი ნივთები, სხვა კატეგორიებში ჩაურთველი (57.8 პროცენტი), დაზღვევა (8.5 პროცენტი), პირადი ჰიგიენა (4.5 პროცენტი);

ალკოჰოლური სასმელებისა და თამბაქოს ჯგუფში ფასები გაიზარდა 4.3 პროცენტით, რაც 0.28 პროცენტული პუნქტით აისახა მთლიან ინდექსზე. მოცემულ პერიოდში ფასები 7.1 პროცენტით გაზრდილია როგორც თამბაქოს ნაწარმზე, ისე 1.4 პროცენტით ალკოჰოლურ სასმელებზე.