თბილისში 17 წლის ბიჭი დაჭრეს

თბილისში, ნუცუბიძის პლატოზე 17 წლის ბიჭი ცივი იარაღით დაჭრეს. ინფორმაცია შინაგან საქმეთა სამინისტროში დაადასტურეს.

თვითმხილველები  ამბობენ, რომ არასრულწლოვანს თავს სხვა მოზარდი დაესხა და ადგილიდან მიიმალა.

თვითმხილველები იმასაც აღნიშნავენ, რომ ადგილზე სასწრაფო დახმარების ჯგუფი დაგვიანებით მოვიდა. დაჭრილი მოზარდი კავკასიის მედიცინის ცენტრშია გადაყვანილი.

შსს-ს ცნობით, მომხდარზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.