თბილისში რამდენიმე დღეა ამერიკის მოქალაქეს ეძებენ. 39 წლის ალექსს ლოიოსი ბოლოს 9 თებერვალს ნახეს, ამის შემდეგ კი კვალი იკარგება. ალექსი ლოიოსი ტურისტია და თბილისში ერთ-ერთ სასტუმროში ცხოვრობდა. ახლობლების თქმით, ინფორმირებულია პოლიცია და ამერიკის საელჩო.
სასტუმროს წარმომადგენელმა ფორმულასთან საუბარში თქვა, რომ ალექს ლოიოსი 3 თებერვალს შევიდა მათთან და 7 თებერვლამდე ადგილზე იყო.
“3-დან 7 თებერვლამდე ადამიანი სულ ნომერში იყო, არ გამოდიოდა. 7 თებერვალს ადმინისტრატორმა დარეკა, რომ სტუმარი გარეთ წევს, ვერ ვაღვიძებთ, რომ შიგნით შემოვიდესო. დავავალე, რომ პატრული გამოეძახებინათ. საპატრულომაც რომ ვერ გამოაფხიზლა, გამოვიძახეთ სასწრაფო. მათაც რომ ვერაფერი გააკეთეს, წაიყვანეს კლინიკაში. მეორე დღეს მოვიდა, თავისი ნივთები გავატანეთ და გავუშვით”, – განაცხადა სასტუმროს მეპატრონემ ხათუნა გაბუნიამ.
ალექს ლოიოსის მეგობრებმა ინტერნეტში მის მოსაძებნად პოსტერი გაავრცელეს.
Loading ...