თბილისში მოზარდი დაჭრეს

თბილისში 15 წლის მოზარდი დაჭრეს. შემთხვევა დღეს, სამგორის რაიონში მოხდა.

არასრულწლოვანი ამტელ ჰოსპიტალშია გადაყვანილი. ფორმულა კლინიკის ბავშვთა რეანიმაციის გამგეს ესაუბრა. მერაბ ჯოხარიძის თქმით, მოზარდის მდგომარეობა მძიმე იყო, მას ოპერაცია გაუკეთდა.

“მძიმედ იყო, სისხლის ბევრი დანაკარგი ჰქონდა. გაუკეთდა ოპერაცია. შეჩერდა სისხლდენა და ვნახოთ, როგორ იქნება”- ამბობს მერაბ ჯოხარიძე.

შინაგან საქმეთა სამინისტროს ინფორმაციით, მომხდარზე დაწყებულია გამოძიება და მიმდინარეობს საგამოძიებო მოქმედებები.

მედიაში გავრცელებული ინფორმაციით, დაპირისპირება არასრულწლოვნებს შორის მოხდა.