თბილისში მამა-შვილს ავტომანქანა დაეჯახა

ავტოსაგზაო შემოხევა მოხდა ცოტა ხნის წინ მეტროსადგურ ისანთან. მსუბუქი ავტომობილია ველოსიპედით მიმავალ მამა-შვილს შეეჯახა, რომლებიც უკრაინის მოქალაქეები არიან.

„პრაიმტაიმის“ ინფორმაციით, თავად მსუბუქი ავტომობილის მძღოლიც უკრაინის მოქალაქეა. დაშავებულების სიცოცხლეს საფრთხე არ ემუქრება.

როგორც შინაგან საქმეთა სამინისტროში „პრაიმტაიმს“ განუცხადეს მომხდართან დაკავშირებით გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს, რაც სატრანსპორტო საშუალების მოძრაობის უსაფრთხოების ან ექსპლუატაციის წესების დარღვევას გულისხმობს.