თბილისში ერთმანეთს რამდენიმე ავტომობილი შეეჯახა – არსებული ინფორმაციით, არის მსხვერპლი

მუხიანში, ნოზაძის ქუჩაზე გვიან ღამით ავტოსაგზაო შემთხვევა მოხდა. ერთმანეთს დაახლოებით 10-მდე ავტომობილი შეეჯახა.

თვითმხილველების ინფორმაციით, ავტოსაგზაო შემთხვევის შედეგად, დაახლოებით 35 წლის კაცი დაიღუპა. სავარაუდოდ, არიან დაშავებულებიც.

ადგილზე სასწრაფო-სამედიცინო დახმარების ეკიპაჟები და საპატრულო პოლიცია არის მობილიზებული. ტერიტორია ყვითელი ლენტითაა შემოსაზღვრული.