თბილისის სახელმწიფო უნივერსიტეტიდან პარლამენტისკენ საპროტესტო მსვლელობა იმართება.
აქციის მონაწილეებმა მელიქიშვილის გამზირი გადაკეტეს და შესაბამისად, შეწყვეტილია საავტომობილო მოძრაობა.
მსვლელობაში მონაწილეობენ როგორც სტუდენტები, ისე სამოქალაქო საზოგადოების და პოლიტიკური პარტიის წარმომადგენლები.
აქციის მონაწილეები კვლავ ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.
მათი მოთხოვნა უცვლელია – დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები.
მომიტინგეებს ხელში საქართველოს დროშები და სხვადასხვა შინაარსის ბანერი უჭირავთ: “გაიფიცე”,
“შინ ევროპაში”, “ჩვენი ადგილი ევროპაშია”. ისინი პროტესტს საყვირის უწყვეტი ხმებითა და სიგნალებით გამოხატავენ. ასევე, სკანდირებენ “საქართველოს გაუმარჯოს”.
ადგილზე მობილიზებულია საპატრულო პოლიცია.
შეგახსენებთ, რომ თბილისში და ქვეყნის რამდენიმე ქალაქში საპროტესტო გამოსვლები უკვე მეათე დღეა მიმდინარეობს.
Loading ...