თბილისის ინფექციურ საავადმყოფოში ახალი კორონავირუსის დიაგნოზით მოთავსებული 22 პაციენტიდან შვიდთან დადასტურებულია პნევმონია გულ-მკერდის კატე კვლევის ჩატარების შედეგად, – ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა.
მისი თქმით, აქედან ერთი პაციენტის მდგომარეობა შედარებით მძიმეა.
„მაგრამ გარკვეულწილად რამდენიმე დღეა, სტაბილურია მისი მდგომარეობა და დაავადება არ პროგრესირებს. შეიძლება ითქვას, რომ თუ პროგრესირება შეჩერდა და სტაბილურია, მდგომარეობა საშუალოზე მძიმეა და არა როგორც მძიმე, მაგრამ ჩვენ კიდევ ერთხელ ვამბობთ, რომ მიუხედავად მკურნალობისა, პაციენტების დაავადება შეიძლება, პროგრესირდეს. ეს არის დაავადების ხასიათი. ამიტომ დაახლოებით, ინფიცირების პირველი დღიდან 13 დღემდე შეიძლება, მოხდეს პროგრესირება. თუ გადავლახეთ ეს 13 დღე და პაციენტის მდგომარეობა იქნება სტაბილური, ეს ნიშნავს, რომ თანდათანობით დაიწყება გაუმჯობესება და გამოჯანმრთელებისკენ ტენდენცია“, – განაცხადა ეზუგბაიამ.
ამასთან, რაც შეეხება გამოჯანმრთელებას, ინფექციური კლინიკის სამედიცინო დირექტორის თქმით, ერთ-ერთ პაციენტის მიმართ მე-16 დღეზე ჩატარებული ტესტირებით პასუხი სუსტად დადებითია, ვირუსის კონცენტრაცია შემცირდა, მაგრამ მაინც არის.
„ამიტომ მაინც ჯერ დადებითად მიიჩნევა და საჭიროა გაგრძელდეს მეთვალყურეობა. აღებიდან მაქსიმუმ 4ოთხ დღეში უნდა გადაკონტროლდეს კიდევ ერთ დღეში“, – განაცხადა მან.
ეზუგბაიას თქმით, ახალი კორონავირუსით ინფიცირებული მოზარდის მდგომარეობა დამაკმაყოფილებელია, არ განსაკუთრებული აქვს ჩივილები და მასზე გრძელდება მეთვალყურეობა, როგორც ყველა სხვა პაციენტზე.
Loading ...